die stilte verbreek…

en skielik, na ‘n te lang stilte het die woorde en gedagtes net te veel begin raas – so dat ek nie net pen op papier moes sit, maar eerder moes oorskuif en my gedagtes op die skerm kom vasvang….

mag ek hardop wonder of dit net ek is wat sukkel om te skryf? dat wanneer dit moeilik raak en die tyd te min (omdat ek te veel aandag aan andergoed as aan myself begin gee) dat al die ander dingetjies aandag steel en krieatiwiteit so staan en versmoor… dat die ‘bum to chair’ mantra nie eers werk & dat sinne opdroog nog voor my vingers om ‘n pen gevou kan word & wat nog te sê oor die sleutels van die rekenaar sleutelbord te laat gly… dat ek tot daardie besef moes kom dat ek vir te lank stil gesit & in die besig wees begin verdrink het.

so asof dit vir ‘n hele ruk my moes kom pla, die hele ding van na myself omsien, spesifiek die hele ding van fisiese en geestes gesondheid – hoe die twee hand aan hand stap en hoe mens balans moet vind om sodoende as geheel gesond kan wees. daardie ding van besig wees eer & mis dat ons mense aanmoedig om hulself as laaste prioriteit te stel, om alles en almal bo hul eie waarde te stel – om als gedoen te kry ten koste van hulself…. en skielik spring daardie sêding in my gedagtes rond – “if you don’t make time for your wellness, you’ll be forced to make time for your illness.”

met skaamte sak ek nou my kop, want dit is hoe ek moes leer – dat my liggaam net eenvoudig besluit het tot hier en nie verder nie… & ek wou dit nie ernstig opneem. dankbaar vir die netwerk rondom my wat wel voet by stuk gehou het om my te help om hierdie ding uit te kan sorteer (en dit alles in liefde)

ek dink nie dat ons as mens maklik besef hoe vinnig ons die idee van besig wees vereer, maar glad nie daaraan dink om tyd spesifiek vir onsself & daardie dinge wat ons juis uniek en spesiaal maak te maak nie.

wat is die groot ding wat ek hieruit moes leer – dat daar tyd vir alles moet wees – geballanseerd leef!!

maar nou kort ek eers koffie…
so tot ‘n volgende keer
groete vanaf die kant van die skerm!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s